1922 онд бичигдсэнээсээ хойш  европчуудын хамгийн унших дуртай ном болж 2-хон жилийн дотор европын 14 улсын хэл дээр орчуулагдан, түүнээс хойш дэлхий дахинаа нийт 200 шахам удаа хэвлэгдсэн “Хүн, араатан, бурхад” ном буриад аялгаар уншигчдын гар дээр очлоо.

Монгол орны үзэсгэлэнт сонин байгаль, 1920-1921 оны үйл явдлуудыг дэлгэрэнгүй дүрсэлж, Богд хаан, Барон Унгерн, Дилав хутагт, Дамбийжаа, Заяын гэгээн нартай уулзаж явсан тухайгаа хийгээд Шамбалын орны нууцыг хүүрнэсэн уг номыг Р.Чойномын “Буриад” найраглалын буриад дуун хөрвүүлгээр олны танил болсон Ц.Намсрай гуай нэрт орчуулагч Ж.Нэргүйгийн халх монгол хэл рүү буулгаснаас төрөлх буриад аялгадаа оруулжээ.

Орчуулагч нар нь өмнөх үгэндээ “Сүүлийн үед буриадууд гайхалтай хөгжимлөг хэлээ мартах дээрээ хүрч байгаад харамсахын эрхэнд, нэг л бариад авбал хойш тавилгүй дуусгадаг энэ адал явдалт ном л буриад хэлтнүүдэд тус болох нь лавтай гэж бодлоо” хэмээн дурджээ.

Номыг тухайн цагийн фото зургуудаар чимэглэсэн.

“20-р зууны Марко Поло” хэмээн алдаршсан Оссендовскийн энэ ном үзэл суртлын жилүүдэд Монгол, Зөвлөлт зэрэг улсуудад орчуулах, уншихыг хориглож байсан бөгөөд харин 1998 онд халх монгол хэлээр орчуулагдсанаасаа хойш 3 удаа хэвлэгдсэн ч эдүгээ мөн л олдохоо больж байгаа билээ.

“Хүн, аръяатан, бурхад”-ын буриад дуун хөрвүүлгийн энэхүү хэвлэл нь Халх Монголд анх удаа буриад аялгаар гарч буй àíõíû том ном болж байна.  

Жич: Номыг “Интерном” дэлгүүрийн сүлжээгээр худалдаалж байна. Сум, хамт олны захиалга авна. Утас 99237573